ჩვენს შესახებ

მშენებლობისთვის გამოიყენება კიროვის ნაძვისა და ფიჭვის ხის მასალა. კონსტრუქციული ხის მასალა დამუშავებულია ცეცხლის საწინააღმდეგო და ანტისეპტიკური ხსნარებით.

შიდა იატაკისა და ტერასის იატაკის/დეკის მოწყობა ხდება ციმბირული ფიჭვის ან ლარიქსის (ლისტვინიცის) გამოყენებით. სახლის კედლების და გარე პერიმეტრის დამუშავება ხდება გერმანული Glimtrex ხის ლაზურით რაც გამოკვეთავს ხის ფაქტურას და იცავს ხეს მზისგან, წვიმისაგან და თვოლისგან. აღნიშნული ლაზური არის ეკოლოგიურად სუფთა პროდუქტი რომელიც დამზადებული წყლის ბაზაზე და არ გააჩნია არასასიამოვნო სუნი.

საბოლოოდ გამოიყენება შიდა მემბრანა ორთქლის გასატარებლად და გარე მემბრანა ქარისგან და წყლისგან დასაცავად. დამატებითი სავენტილაციო არხები საგრძნობლად ამაღლებს სტრუქტურის ენერგოეფექტურობას.

თბო და ხმის იზოლაციისათვის გამოიყენება გერმანული Knauf-ის ქვაბამბა რაც იდეალურად ინარჩუნებს სიგრილესა და სითბოს ზამთარსა და ზაფხულში. შედეგაგ გათბობა-გაგრილების ხარჯები საშუალოდ 4-5 ჯერ მცირდება.

ქვაბამბა კარგად უძლებს ნესტს რაც კიდევ უფრო ახანგრძლივებს ხის კარკასის ექპლუატაციის ვადას. ქვაბამბა ასევე სრულიად მდგრადია ლპობის, ობის და ბაქტერიების მიმართ. ის ასევე შესანიშნავად უძლებს ხანძარს და სხვა დასათბუნებელ მასალებთან შედარებით ნელა ალდება.

სახურავისთვის გამოიყენება ფინური NOVA-ს გერმანული პროფილირებული ფერადი თუნუქი ან იტალიური Tegola შინგლი მომხამრებლის გემოვნებიდან გამომდინარე.

მეტალი მოთუთიებულია და შემდეგ დაფარულია საღებავით. კოტეჯის სახურავისათვის გამოიყენება 0.5მმ ფოლადის სისქე რაც ოპტიმალური ნაზავია სისქისა და დრეკადობისა.

სისქის გარდა სახურავის უმნიშვნელოვანესი ფაქტორი არის მოთუთიების მასა რაც მას იცავს კოროზიისაგან. ჩვენს მიერ გამოყენებული სახურავის მოთუთიება არის 220 გრ/მ2-ზე რაც მეტყველებს 30 წლიან საექსპლუტაციო ვადაზე.

საბოლოოდ სახურავის ფოლადის ფურცელი შეღებილია პლასტიზოლის საღებავის სქელი ფენით რაც მას იცავს კოროზიისაგან, გახუნებისაგან და ქიმიური ზემოქმედებისაგან.

*სურვილის შემთხვევაში ასევე შესაძლებელია გადახურვა განხორციელდეს შინგლით, მეტალოკრამიტით ან კრამიტით.

ელექტროგაყვანილობის (სადენები, კაბელები, ჭაღები) მონტაჟისას გამოიყენება ნორმით გათვალისწინებულზე დიდი კვეთის სადენები რომელსაც გარედან აქვს იზოლაცია რომელიც თავისმხრივ დამატებითი უსაფრთხოებისთვის არის გატარებული გოფრირებულ მილში. ელექტროობას ყველა ოთახში აქვს ინდივიდუალური დამცველი რაც უზრუნველყოფს კონკრეტული ადგილის გათიშვას. უწყვეტი კოლექტორული სისტემის გათბობის მილების გამოყენება თავიდან გვარიდებს უთოს გამოყენებას და გადაბმებს რაც დამატებით ზრდის მათ უსაფრთხოებას. მილები თავის მხრივ მოთავსებულია სპეციალურ ბუფკაში რათა დაიკარგოს ნაკლები სითბო.

თბო და ხმის იზოლაციის მაქსიმალურად გაზრდისთვის გამოიყენება გერმანული პროფილებისგან დამზადებული ხუთ კამერიანი მეტალოპლასტმასის კარ-ფანჯრები 24mm მინაპაკეტით რაც უზრუნველყოფს ხმისა და სითბოს იზოლაციას.

სველი წერტილები უზრუნველყოფილია ცივი/ცხელი წყლით, უნიტაზით, ნიჟარით და საშხაპით. სააბაზანო ოთახის იატაკისთვის და კედელბისთვის გამოიყენება ესპანური Foster Grafito მეთლახი.

მეთლახის ფერი და მატოვი ზედაპირი დამატებით სიმყუდროვეს მატებს აბაზანას.

ასევე შესაძლებელია სველი წერტილის მოწყობა ცაცხვის ხის პანელებით. ცაცხვი ოდიდგანვე გამოიყენებოდა საუნების მოსაწყობად რადგანაც ის გამოირჩევა კარგი ცეცხლმედეგობით და სხვა ტიპის ხეებთან შედარებით ნაკლებად ხურდება. საუნის პანელები ასევე შესანიშნავად იტანენ მომატებულ ტენიანობას.

ცაცხვის ზედაპირი მაქსიმალურად გლუვია რაც შეხებისას არ იწვევს კანის დაზიანებას.